_{ومين يعيش علشان تعيش لازم أموت}

_{نظريه طازه مْنِ التابوت}

_{د أنا مهما أبكي بأعلى صوت}

_{وأحاول اجري مُش هَفوت!}

 _{وازاي افوت.. ازاي افوت؟!}

 _{وانا من سلالة العنكبوت!}

 _{راضي بحيطه ف. وسط بيت}

_{والعيشه غاليه بفول وزيت!}

 _{وانتم ببحر الظلم حوت}

_{عايشين فِ. أحضان الياقوت}

_{وفطركوا شهد وبسكويت}

_{وعيونكوا طله ف.كلّ بيت}

_{وبرغم كل العدل دا.. مِتخوفين!!}

_{مِنْ مين يا ناس مِتخوفين؟!}

 _{مِنْ مين يا ناس مِتقلقين؟!}

 _{د انا أخري بس بَقول نويت!}

_{وياريت ما أقول علشان أسيت...}

_{وأسيت داريت..وبكيت..ياريت!}

_{ياريت ما أقول كلمة ياريت}

_{ما العيشه لَما تكون هباب}

_{والحلم يجري ورا السراب}

_{يبقى ماليش غير السكوت!}

 _{وانا لَما ادوب وسط السّكوت}

 _{تقدر تغني بأعلى صوت...}

 _{وتعيش ولكن!}

_{مين يعيش...}

 _{لازم هيجي ف. يوم يموت!!}

          

 

  محمد محمد علي جنيدي               

 مصر ( بني سويف)                  

 m_mohamed_genedy@yahoo.com

 

::  تعليقات المستخدمين ::

التعليقات الواردة تعبر عن رأي صاحبها ولا تعبر بالضرورة عن رأي الموقع

تعليقك على المقال

الاسم:
البريد الالكتروني:
التعليق: